ئاسایشی رۆژئاوای سلێمانی دەستگیرکردنی دوو کەسی راگەیاند کە هەستابوون بە بڵاوکردنەوەی ترس و دڵەڕاوکێ لە قەزای چەمچەماڵدا.
ئاسایشی رۆژئاوای سلێمانی بڵاویکردووەتەوە، پاش ئەوەی ئێوارەی ١٤ی ئەم مانگە تەقەیەکی زۆر لە قەزای چەمچەماڵ کرا، بووە هۆی ترس و دڵەڕاوکێ لەنێو هاوڵاتیاندا، دەستبەجێ هێزەکانمان دەستیانکرد بەلێکۆڵینەوە و لەئەنجامدا دوو کەسیان دەستگیرکرد بەناوەکانی (ا،ک،ع)و (ب،ح،ڕ).
روونیشیکردووەتەوە، تۆمەتبارەکان دوو وکڵاشینکۆف و یەک دەمانچەی جۆری کڵۆک و دوو چەقۆیان پێگیراوە.
ئاشکراشی کردووە، لە ئێستادا بەفەرمانی دادوەری لێکۆڵینەوەی چەمچەماڵ بەبڕیاری (٥٧٠ ) راگیراون و لێکۆڵینەوە لە دۆسییەکانیان بەردەوامە.