بەغداد بڕی ئەو نەوتەی بڕیاربوو بۆ هەرێمی بنێرێت بەمەبەستی دابەشکردنی بەسەر ماڵاندا لە ٥٠ ملیۆن لیترەوە بۆ ١٥٠ ملیۆن لیتر زیادکرد.
هەڤاڵ ئەبوبەکر پارێزگاری سلێمانی بڵاویکردووەتەوە، لە فڕۆکەخانەی هەولێری نێودەوڵەتیی بە هاوڕێیەتیی پارێزگارانی هەولێر و دهۆک و بەڕێوەبەری گشتیی ناوەندی هەماهەنگیی قەیرانەکان، پێشوازیمانکرد لە وەزیرانی پلاندانان و کۆچ و کۆچبەرانی حکومەتی فیدڕاڵ و وەفدی هاوڕێیان.
روونیشیکردووەتەوە، وەزیری پلاندانانی حکومەتی فیدڕاڵ پێیڕاگەیاندین بۆ زیادکردنی بڕی نەوتی تەرخانکراو بۆ پارێزگاکانی هەرێمی کوردستان هاتوون.
ئاشکراشیکرد، حکومەتی فیدڕاڵی و وەزیری نەوت بڕی تەرخانکراویان لە ٥٠ ملیۆن لیترەوە بۆ ١٥٠ملیۆن لیتر بە سێ بەشی یەک لەدوای یەک زیادکردووە.