ئەمڕۆ سێشەممە، هەر
یەک لە چەتۆ ساڵح و مستەفا سەلیم بریكارانی وەزارەتی ناوخۆ سەردانی بەرێوەبەرایەتی
گشتی هاتوچۆی هەرێمیان كرد.
بریكارانی وەزارەتی
ناوخۆ پەیامی حكومەتی هەرێمی كوردستانیان گەیاندە بەرێوەبەرایەتی گشتی هاتوچۆی هەرێم
كەخزمەتكردنی زیاتری هاوڵاتیانە و ڕایانگەیاند، "هاتوین لەنزیكەوە دەست خۆشیتان
لێبكەین و پێتان بڵێین پشتوانی زیاترتان دەبین بۆ خزمەتكردنی هاوڵاتیان".
ئاماژەشیان بەوەشكرد "
بەڕێوەبەرایەتییەكانی هاتوچۆی هەرێم بەلای ئێمەوە گرنگە لەبەر ئەوەی مامەڵەی ڕاستەوخۆ
لەگەڵ هاوڵاتیان دەكەن و خزمەتگوزاری پێشكەشی كۆمەڵانی خەڵك دەكەن".
هاوکات لیوا عبدلقادر عەزیز بەڕێوەبەری گشتی
هاتووچۆی هەرێم سوپاسی هەریەك لە چەتۆساڵح و مستەفاسەلیم بریكارانی وەزارەتی ناوخۆی
كرد بۆ سەردان و پشتیوانییەكەیان ڕاشیگەیاند، ئەم سەردان و بەسەركردنەوەیە هانمان
دەدات لەڕابردوو زیاتر خزمەتی بواری هاتوچۆ بكەین و هەروەها لەڕێگەی كارەكەشمانەوە
ژیانی خەڵك زیاتر بپارێزین.