ئەمریکا ئەرکى نۆژەنکردنەوەى
پەرستگاى لالشى ئێزدییەکانى لە ئەستۆگرت و بڕى ٥٠٠ هەزار دۆلاری بۆ ئەو مەبەستە تەرخانکرد.
هەرمان میرزا بەگ بریكاری
میری ئێزدییان بە ماڵپەڕی فەڕمی پارتی راگەیاندووە، ئەمڕۆ چوارشەممە بە ئامادەبوونی
كونسوڵی گشتیی ئەمریكا و راوێژكارە ئێزدییەكان و ژمارەیەک لە هاوڵاتیانى ناوچەکە
لەلالش، پرۆژەى نۆژەنکردنەوەى پەرستگاى لالش بەسەرکرایەوە و بڕى ٥٠٠ هەزار دۆلاری
دیكە لەلایەن ئەمریکاوە بۆ نۆژەنكردنەوەی پەرستگاکە تەرخانكرا.
بریکارى میرى
ئێزیدییان وتیشى، بە هەماهەنگى حکومەتى هەرێم و ئێزیدییەکان و بەهاوکارى ئەمریکا
پرۆژەى نۆژەنکردنەوەى پەرستگاى لالش دەستیپێکردووە و بڕیارە تەواوى ئەو پەرستگایە
نۆژەنبکرێتەوە.
ئەوەش لە کاتێکدایە،
لە مانگى ئابى ٢٠١٤ دا، رێکخراوى داعش هێرشى کردە سەر قەزاى شەنگال و سەرەڕاى ئاوارەبوونى
هەزاران ئێزیدى، زۆرینەى ماڵ و باڵەخانەکانى ئەو ناوچەیە و تەنانەت لالشیش کە
پەرستگاى سەرەکى ئێزدییەکانە زەرەر و زیانیان پێگەیشت و باس لەوەش دەکرێت کە
تائێستا ژمارەیەک لەو ئیزدییانە بێ سەروشوێنن.