سەرۆکی پارتی دیموکراتی
کوردستان رایگەیاند، پەیوەندییەکانی هەولێر و بەغدا ئاڕاستەیەكی ئەرێنی و وەرگرتووە
و دەرفەت بۆ چارەسەركردنی كێشەكان لە ئارادایە.
بارەگای بارزانی بڵاویکردەوە، ئەمڕۆ چوارشەممە مەسعود بارزانی، سەرۆکی
پارتی دیموکراتی کوردستان پێشوازی لە تۆنی ئاڵێرز، باڵیۆزی نەرویج لە عێراق كردووە
و باس لە بارودۆخی سیاسی و دوا پێشهاتەكانی عێراق کراوە، هەروەها باڵیۆزی نەرویج
هاوسۆزی و نیگەرانیی خۆی بۆ ڕووداوی هێرشکردنەسەر بارەگای پارتی دیموكراتی
كوردستان لە بەغدا ڕاگەیاندووە.
ئەوەشی
خستووتەڕوو ، "وێڕای دەربڕینی پێزانین بۆ قوربانیدانی هێزی پێشمەرگەی
كوردستان لە شەڕی داعش پیرۆزباییشی لە ڕێككەوتنی ئاساییكردنەوەی بارودۆخی شنگال
كرد كە لە نێوان حكومەتی هەرێمی كوردستان و حكومەتی فیدڕاڵ کردوە و بە هەنگاوێكی
ئیجابی لە قەڵەم داوە، بۆیە نەرویج کە بەشێكە لە هاوپەیمانێتی نێودەوڵەتیی دژی
داعش و ڕۆڵی هەبوە لە مەشق و ڕاهێنانی پێشمەرگە و جەختی لە ویستی وڵاتەكەی كردەوە
بۆ پەرەپێدانی هەماهەنگی و پەیوەندیی نێوان وڵاتەكەی و هەرێمی كوردستان".
هاوکات سەرۆکی پارتی دیموکراتی کوردستان وتووشیەتی، "سوپاسی ڕۆڵی وڵاتی نەرویج دەکەن لە هاوپەیمانێتیی شەڕی دژی داعش و پێشوازیشی
كرد لە پەرەپێدانی پەیوەندییەكانی نێوان هەردوولا، پەیوەست بە پەیوەندییەكانی هەولێر
و بەغداش باسی لەوەکردووە كە پەیوەندییەكان
"ئاراستەیەكی ئیجابیان وەرگرتووە و دەرفەت بۆ چارەسەركردنی كێشەكان لە ئارادایە".