لەدوای ئەوەی ئامادەنەبوو بچێتە بەردەم دادگا لە هەفتەی رابردوودا لە ئێستادا بڕیاری دەستگیرکردن بۆ محەمەد شێخ وەهاب ئەندامی ئەنجومەنی پارێزگای سلێمانی دەرچووە و پۆلیس و بازگەکانیشی لێئاگادارکراوەتەوە.
سەرچاوەیەکی ئاگادار بە BMC راگەیاند، پۆلیسی سلێمانی و ئەنجومەنی پارێزگا و سەرجەم بازگەکان ئاگادارکراونەتەوە، محەمەد شێخ وەهاب ئەندامی ئەنجومەنی پارێزگای سلێمانی دەستگیربکەن.
لەسەر هەمان پرس BMC پەیوەندی بە رەسوڵ عەبدوڵا، ئەندامی ئەنجومەنی پارێزگای سلێمانیەوە کرد، و ئاشکرایکرد، لە هەفتەی رابردووەوە ئەنجومەنی پارێزگای سلێمانی رەزامەندی دەربڕیوە ئەو ئەندامەی بچێتە بەردەم دادوەری دادگای قۆرەتوو، بەڵام ئەو خۆی ئامادەنەبووە.
لەماوەی رابردوودا محەمەد شێخ وەهاب، ئەندامی ئەنجومەنی پارێزگای سلێمانی لە فراکسیۆنی گۆڕان، بە تۆمەتی تەزویرکردنی وەسڵ، لەلایەن دادگای قۆرەتووەوە داواکرا، بەڵام بەهۆی چەند جارێک ئامادەنەبوونی بڕیاری دەستگیرکردنی بۆ دەرچوو.