بەڕێوەبەری گشتی تەندروستی
سلێمانی رایگەیاند، ئەگەر هاوڵاتیان ژیانی خۆیان لا گرنگ نەبێت ژمارەی گیانلەدەستدان
زۆر زیاتر دەبێت.
سەباح هەورامی، بەڕێوەبەری
گشتی تەندروستی سلێمانی لەهەژماری تایبەتی خۆی بڵاویکردەوە، "ئەوەی کە لەسەرمانە
و پێویستمانە بۆ روبەروبونەوەی ڤایرۆسی کۆرۆنا کردومانە و بە نوێنەرانی کوردمان
وتوە لە بەغدا بۆ هاوکاری و ئەوانیش بەلێنیانداوە دەنگی ئێمە بگەیەننە بەغدا".
سەباح هەورامی ئاماژەی
بەوەشکرد، "لەسەر هاوڵاتیان پێویستە پابەندی بەستنی دەمامک و دەستکێش بن و رێکارەکانی
خۆپارێزی و دورکەوتنەوە لە قەرەباڵغی بگرنەبەر، ئەگەر هاوڵاتیان ژیانی خۆیان لا
گرنگ نەبێت ژمارەی گیانلەدەستدان زۆر زیاتر دەبێت".
ئەمەش لە دوای ئەوە دێت ئەمڕۆ بەرپرسانی
تەندروستى هەرێم ڕایانگەیاند ئامارەکانی گیانلەدەستدان زۆر زیادیکردووە و
بەرێوەبەری نەخۆشخانەی منداڵانیش دەڵێت ڕێژەى توشبوون لە منداڵانیشدا
بەرزبووەتەوە.