پۆلیسی هەولێر رایگەیاند تەقەکەرەکانی شەوی رابردووی هەولێر دەستگیرکراون.
پۆلیسی هەولێر بڵاویکردووەتەوە، دوو تۆمەتباری سەرەکی له تەقەکەرەکانی شەوی رابردوو بەناوەکانی (ج. ا. ر) و (خ. ک. م.) دەستگیرکران، كه لە شەقامی ١٠٠مەتری بەشەڕ هاتوون و تەقەیان کردووە، لەئاکامدا یەکتریان زامدار کردووە، هەروەها دەست بەسەر دوو ئۆتۆمبێل لە جۆری BMWدا گیرا.
ئاشکراشیکرد، پەڕاوی لێکۆڵینەوەیان بۆ رێکخراو و بەپێی ماددە ٤١٣ لە یاسای سزادان راگیراون.
شەوی رابردوو لە شەقامی ١٠٠مەتری هەولێر دەنگی تەقەیەکی زۆر بیسترا و هاوڵاتیانی ناوچەکەی کردبووە دڵەراوكێوە.