قائیمقامیەتی سلێمانی رایگەیاند، هەنگاوەکانی سەوزکردنی شاخی گۆیژە لە کۆتاییدایە و بە شێوەیەکی باش بەڕێوەدەچن، ئامادەکاری کراوە بۆ هاتنی وەرزی بارانبارین.

ئەمڕۆ یەکشەممە ٢٥ی تشرینی یەکەم، قایمقامیەتی سلێمانی رایگەیاند، هەنگاوەکانی پڕۆسەی سەوزکردنی شاخی گۆیژە لە کۆتاییدایە و ئامادەکاری کراوە بۆ هاتنی وەرزی بارانبارین.

هەرئەمڕۆ ئاوات محەمەد  قائیمقامی سلێمانی، له‌گه‌ڵ لیژنه‌ی باڵای پرۆژه‌ی سەوزکردنی چیای گۆیژە و نوێنه‌ری كۆمپانیاكانی (ئاسیاسێڵ، قه‌یوان، تانوپۆ،ماس، CDO) کۆبووەوە بەمەبستی تاوتوێکردن و ئاگاداربوون لە بەڕێوەچوونی پرۆژەکە.

لە کۆبوەنەوەکەدا قائیمقامی سلێمانی رایگەیاند، پێویستە لەسەر ئەو کۆمپانیایانەی بەرپرسن لە پرۆژەکە هەماهەنگی و هاوکاری هەبێت لە نێویاندا بۆ بەخشینی تابلۆیەکی جوان بە شاخی گۆیژە.

لە ئێستادا زۆرێک لە کارەکانی پڕۆژەکە تەواو بووە و تەنها ئامادەکردن و رواندنی نەمامەکان ماوەتەوە، کە بڕیارە ئەوانەش لەکاتی خۆیاندا ئەنجامبدرێن.