لەیادی خۆپیشاندانە خوێناوییەکانی ساڵی رابردوودا جارێکی دیکە لەبەشێک لە شارەکانی عێراق دەستیپێکردەوە.
ئەمڕۆ یەكشەممە ٢٥ی تشرینی یەکەم، لە یادی
خۆپشاندانەکانی پارساڵدا، بەهەزاران هاوڵاتی لە شاری بەغداد گردبوونەوە و بەرەو گۆڕەپانی تەحریر بەڕێکەوتن.
خۆپیشاندەران لە خۆپیشاندانەکەدا داوای چاکسازی سیاسی و دادگاییکردنی بکوژانی خۆپیشاندەرانی ساڵی رابردوویان دەکرد.
ئەمە لە کاتێکدایە کە هیزە ئەمنیەکانی بەغداد لەشەوی رابردووەوە تەواوی ئەو
شەقامانەیان داخست کە دەچنەوە سەر ناوچەی سەوز و گۆڕەپانی تەحریر، بەڵام لە کۆتایدا
داوا لە خۆپیشادەران کرا کە تەنها لە سنوری گۆڕەپانی تەحریردا چالاکیەکانیان
ئەنجام بدەن تاوەکو دۆخە لە کۆنترۆڵ دەرنەچێت.