سەرۆکایەتی پەرلەمانی کوردستان بانگهێشتی پەرلەمانتارانی کردووە بۆ کۆبوونەوە لە رۆژی سێشەممە ٢٧ی ئەم مانگە و وا بریارە لەو دانیشتنەکەدا سەرۆکى حکومەت و جێگرەکەى ئامادەبن بۆ لێپرسینەوە.

لە ناوەرۆکی نوسراوەکەی سەرۆکایەتی پەرلەماندا هاتووە:  

یه‌كه‌م، خوێندنه‌وه‌ی یه‌كه‌م بۆ ئه‌م پێشنیازه ‌یاساییانه‌ی خواره‌وه‌ پشت به‌ستن به‌حوكمی مادده‌كانی ٧٩ و ٨٠ی په‌یڕه‌وی ناوخۆی په‌رله‌مانی كوردستان.

١- پێشنیازی یاسای (پاراستنی تۆڕو بنچینه‌كانی ئاوو ئاوه‌ڕۆ له‌هه‌رێمی كوردستان-عێراق).

٢- پێشنیازی یاسای (به‌رێوه‌بردن و پاراستنی ئاو له‌هه‌رێمی كوردستان-عێراق).

دووه‌م، دانانی ئه‌ندامی په‌رله‌مان  (عمر عبدالله فتاح) له ‌لیژنه‌ی دارایی و كاروباری ئابووری به‌پێی حوكمی مادده‌كانی ٢٨ و ٣٤ له‌په‌یڕه‌وی ناوخۆی په‌رله‌مانی كوردستان.

سێیه‌م، گفتوگۆی پرساندن و وه‌ڵامه‌كانی سه‌رۆكی ئه‌نجومه‌نی وه‌زیران و جێگری سه‌رۆكی ئه‌نجومه‌نی وه‌زیران و وه‌زیری دارایی و ئابوری، به‌پێی حوكمی مادده‌كانی ٧٠، ٧١، ٧٣ له‌په‌یڕه‌وی ناوخۆی په‌رله‌مانی كوردستان.