وەزارەتى کشتوکاڵى عێراق رایگەیاند، لەمڕۆوە
هاوردەکرنى بەهەمەکانى کاڵەک و شوتى بۆ عێراق و هەرێم قەدەغەکراوە.
لە لێدوانێکى رۆژنامەوانیدا حەمیدنایف وتەبێژى
وەزارەتى کشتوکاڵى عێراق رایگەیاند، لەماوەی چەند ڕۆژی ڕابردوودا هاوردەكردنی هەنار
بۆ عێراق قەدەغە كرا و لە ئەمڕۆشەوە هاوردەكردنی شوتی و كاڵەك قەدەغە دەكرێت و لەڕۆژانی
داهاتووشدا هاوردەكردنی پرتەقاڵ قەدەغە دەكەن.
وتیشى، هۆكاری قەدەغەكردنی ئەو بەرهەمانە بۆ پاڵپشتیكردنی
بەرهەمی ناوخۆیی و پشتگیریكردنى جوتیارانە و بڕیارەكە هەرێمی كوردستانیش دەگرێتەوە.
ئەوەش لەکاتێکدایە، پێشتر بێگەرد تاڵەبانی وەزیری
كشتوكاڵ و سەرچاوە ئاوییەكانی حكومەتی هەرێمی كوردستان رایگەیاندبوو، وەك پاڵپشتی
لە بەرهەمی ناوخۆیی بۆ دووەم ساڵە لە ناوەڕاستی مانگی هەشت تاوەكو ناوەڕاستی مانگی
دوانزە هاوردەكردنی هەنار قەدەغە دەكەن.