كۆمسیۆنی مافی مرۆڤی عێراق رایگەیاند، لە ئەنجامی گرژى و پێکدادانەکانی نێوان خۆپیشاندەران و هێزە ئەمنییەکان لە بەغدا و شارەکانی دیکە ١٧١ کەس برینداربوون.

كۆمسیۆنی مافی مرۆڤی عێراق لە راگەیەندراوێكدا ڕایگەیاندووە، لەخۆپیشاندانەكانی  دوێنێدا ١٧١ كەس برینداربوون،  کە ١٣٩ كەسیان سەر بە هێزە ئەمنییەكان بوون و ٣٢ كەسیشیان هاوڵاتی مەدەنی بوون.

 کۆمسیۆنەکە راشیگەیاندووە، ١٦٩ لە بریندارەکان لە بەغدا بوون و تەنها دوو برینداریان لە شارەکانی دیکەبوون.

ئەوەش خراوەتەڕوو، بریندارەکان هیچی بە فیشەک نەبووە سەرجەمیان  بەهۆی گازی فرمێسکڕێژەوە بوون و نێردراونەتە نەخۆشخانە.

 دوێنی لە بەغدا و شارەكانی تری عێراق لەیادی خۆپیشاندانەكانی ساڵی رابردوو، ناڕەزایی دەستپێكردەوە و هاوڵاتیانی عێراق دەڵێن كە هێشتا هیچ لە دۆخەكە نەگۆڕدراوە و ژیان و گوزەرانیان خراپە.