لە سنگافۆرەی رۆژهەڵاتی ئاسیا، دوای نەمانی فەڕمانرەوایی شاهانە و گۆڕانی سیستەمی فەرمانڕەوایەتی بۆ کۆماری، خێزانی شاهانە بۆ بژێوی ژیانیان کاری جیاواز دەکەن و هەندێکیان شۆفێری تەکسین.

بە گوێرەی هەواڵێک کە ماڵپەڕی رۆیتەرز بڵاویکردووەتەوە، ئەندامی خێزانی فەرمانڕەوای پێشووی سنگافۆرە، لە ناو خەڵکیدا دەژین و بە پیشەی جیاوازەوە سەرقاڵن.
ماڵپەڕەکە ئاماژەشیبەوەداوە،  کاتێک یەکێک لە ئەندامی خێزانی شاهانە دەڵێن ئێمە شازادەین، خەڵکی باوەڕیان پێ ناکەن و بە سەرسوڕمانەوە دەڵێن، ئایا هەر لە ژیاندا ماون.

شەوال، یەکێکە لە نەوەکانی سوڵتان حوسەین شا و لە ناو خێزانەکەیدا بە سەرۆکی بنەماڵەی شاهانە ناسراوە و لە سنگافۆرە دەژی، زۆرجار دوای کارەکەی سەردانی کۆشکی شاهانە دەکات و بە جلوبەرگری نەتەوەیی بنەماڵەکەی خۆی نمایش دەکات، کە بە وتەی خۆی بۆ بەرزراگرتنی ناوی خێزانەکە و مانەوەی ناوی سوڵتان حوسەینە.

لە کۆی ٧٩ نەوەی سوڵتان حوسین، ١٤ کەسیان پێکەوە لە کۆشکی شاهانە دەژیان، بەڵام دواتر لەلایەن حکومەتی سنگافۆرەوە دەرکران و هاوکاری دارایی کران، ئێستا ژمارەیەکیان لە دەرەوەی وڵاتەکە دەژین.

شایەنی باسە، دوای داگیرکارییەکانی بەریتانیا بۆ سنگافۆرە لە ساڵی ١٩٦٥، لەگەڵ سوڵتان حوسەین رێککەوتن بۆ کۆتایی هێنان بە سیستەمی شاهانەیی و بەرپاکردنی سیتەمێکی کۆماری هاوچەرخ.