میدیا عەرەبییەکان بڵاویانکردەوە،
بڕیارە سبەى مستەفا مەدبولى سەرۆکوەزیرانى میسر بەسەردانێکى فەرمى بگاتە بەغداى
پایتەخت و لەگەڵ مستەفا کازمى کۆببێتەوە.
بە پێى هەواڵێکى
وەزارەتى هاریکارى نێودەوڵەتى حکومەتى میسر، سبەى شەممە مستەفا مەدبولى
سەرۆکوەزیرانى کۆمارى میسر و ژمارەیەک لە وەزیرەکانى کابینەى حکومەتەکەى سەردانى
بەغدا دەکەن و لەگەڵ مستەفا کازمى سەرکوەزیرانى عێراق کۆدەبنەوە و باس لە پەیوەندییکانى
نێوان هەردوو وڵات دەکەن.
ئاماژە بەوەشکراوە،
مەدبولى بەیاوەرى عەلا جبورى وەزیرى بازرگانى و رانیا مەشات وەزیرى هاریکارى میسر
سەردانى بەغدا دەکات و چەند تەوەرێکى سیاسى و بازرگانى نێوان قاهیرە و بەغدا لەگەڵ
کازمى تاوتوێدەکەن.
سەدانەکەى
سەرۆکوەزیرانى میسر لەکاتێکدایە، لە ساڵى ٢٠٠٣ و لە دواى روخانى رژێمى پێشووى
عێراقەوە ئەوە یەکەمجارە لەسەرئاستى سەرۆکوەزیران حکومەتى میسر سەردانى عێراق
بکات.