بومەلەرزەیەک بە گوڕى ٦.٦ بە پێوەرى رێختەر شارى ئیزمیرى لە رۆژئاواى تورکیا
هەژاند و زەرەر و زیانێکى زۆرى بەبینا و باڵەخانەکانى ئەو شارە گەیاند.
سەنتەرى کارەساتە لەناکاوەکانى تورکیا "ئافاد" لە بەیانامەیەکدا
رایگەیاند، چەقى بومەلەرزەکە لەناو دەریاى ئیجە و بەدوورى ١٧ کیلۆمەتر لە
کەناراوەکانى ئیزمیر بە قوڵاى ١٦ کیلۆمەتر لە ژێر زەوییەوە روویداوە.
لەبارەى زیانەکانى بومەلەرزەکەشەوە تونج سویا سەرۆکى شارەوانى ئیزمیر
رایگەیاند، زیانێکى ماددى زۆر بە شارەکە گەیشتووە و نزیکەى ٢٠ باڵەخانە رووخاون.
دواى روودانى بومەلەرزەکەش رەجەب تەیب ئەردۆغان سەرۆککۆمارى تورکیا
رایگەیاند، حکومەت بە هەموو توانا داراییەکانییەوە پاڵپشتى هاوڵاتیانى
زیانلێکەوتووە و لایەنە پەیوەندیدارەکان دەستیان بە هەنگاوەکانى بەدەمەچوونى
هاوڵاتیان کردووە، ئەردۆغان دەشڵێت، "سوپاسى خوا ئەکەین کە هەموو
هاوڵاتییەکانمان سەلامەتبوون لە بومەلەرزەکە".