کەمێک پێش ئێستا شاعیر و نوسەرى رۆژهەڵاتى کوردستان جەلالى مەلەکشا لە شارى سنە کۆچى دوایى کرد.

جەلالی مەلەکشا شاعێرێکی بەناوبانگی کوردە،  ساڵی ١٩٥١ لە گوندی مەلەکشا سەر بە شاری سنە لە دایکبووە و ھەر لەو شارە خوێندوویەتی و پەروەردە کراوە، مامۆستا جه‌لال مه‌له‌کشا، لە سەرەتاوە بە فارسی شیعر و پەخشان و چیرۆکی نوسیوە و بەهۆى بەپێزی لە نووسینەکانیدا بە بێ ئەوەی کتێبی چاپکراوی هەبێ، دەبێتە ئەندامی"کانوونی نووسەرانی ئێران".

پاش ساڵی ١٩٧٩ دەست بەنوسینى شیعرى کوردى دەکات و سەرکەوتنێکی بەرچاو لەو بوارەدا تۆمار دەکات، بۆ ماوەی ١٥ ساڵ وەکو نووسەر و رۆژنامەوان دەبێتە ئەندامی گۆڤاری سروە و پەرە بە زمان و ئەدەبی کوردی دەدات.

بەرهەمە شیعرییەکانی جەلالی مەلەکشا تا ئێستا بۆ زمانەکانی فارسی، عەرەبی، ئینگلیزی و سویدی وەرگێڕدراون.

مەلەکشا شەوى ٣١ى تشرینى یەکەمى ٢٠٢٠ لە شارى سنەى رۆژهەڵاتى کوردستان کۆچى دوایى کرد.