بۆ
یەكلاییبوونەوەی یاسای وەرگرتنی قەرز، سبەی دووشەممە لیژنەی دارایی پەرلەمانی
عێراق لەگەڵ مستەفا كازمی كۆدەبێتەوە.
جەمال
كۆچەر، پەرلەمانتاری عێراق لە لیژنەی دارایی راگەیاند، سبەی لیژنەی دارایی
پەرلەمانی عێراق لەسەر پرسی وەرگرتنی قەرزی لەگەڵ مستەفا كازمی، سەرۆكوەزیرانی
عێراق كۆدەبێتەوە، "پێشبینی دەكرێت رەزامەندی لەسەر ١٢ تاوەكو ١٥ تریلیۆن
دینار قەرز بدرێت".
ئەو پەرلەمانتارە كوردە
لە لیژنەی دارایی پەرلەمانی عێراق ئەوەشی خستەڕوو، هەرچەندە حكومەتی عێراق لە
سەرەتادا داوای لە پەرلەمان كردبوو رەزامەندیی وەرگرتنی ٤١ تریلیۆن دینار قەرزی
پێبدات، بەڵام ئێستا دەستی لەو داواكارییە هەڵگرتووە و داوای ٣١ تریلیۆن دینار
قەرز دەكات.
ئەمەش لە کاتێکدایە تاوەكو ئێستا حكومەتی عێراق نزیكەی ١٤٠ ملیار
دۆلار قەرزدارە و لە ئێستاشدا لە قەیرانی
داراییدایە.