خوشکى ئەو کچەى ئەمڕۆ لە سلێمانی بە کوژراوی دۆزرایەوە، لە کۆنفرانسێکى هەواڵیدا ڕایگەیاند، تا ئێستا هیچ زانیارییەکیان نییە کە ئایا  کێ ئەو کارەی کردووە و گومانیشیان لە هیچ کەسێک نییە و

 دەشڵێت ، هیچ کێشەیەکی کۆمەڵایەتی و سیاسییان نییە و  کەیسەکەیان داوەتە دەست دادگا و تا ئەو کاتەى پۆلیس لێکۆڵینەوەکانی تەواو دەکات.

ڕاشیگەیاند، دوای ئەوەى پۆلیس کەسەکە ئاشکرادەکات بە هیچ شێوەیەک لە ئەنجامدەری تاوانەکە خۆش نابن  لە هەر لایەن و هەر پێگەیەکی هەبێت.

ئەمەش لە دوای ئەوە هات ئەمڕۆ کچێک لە شاری سلێمانی لە ناو ئۆتۆمبێلەکەیدا بە کوژراوی دۆزرایەوە کە خوشکى بریکاری وەزارەتی دادە و هەر ئەمڕۆش کوڕێک لە ئاوی دوکان خۆی خنکاند و لە تۆڕە کۆمەڵایەتییەکانیش وا بڵاوکرایەوە کە ئەو دوو ڕووداوە پەیوەندییان بە یەکەوە هەیە.