حکومەتی عێراق
ڕایگەیاند، ڕێککەوتنمان لەگەڵ هەرێم هیچ نەگۆڕاوە
و موچەی فەرمانبەرانی هەرێمی کوردستان تاوەکو پەسەندکردنی بودجەی ٢٠٢١ دەنێرین.
ئەحمەد مەلا تەڵاڵ، وتەبێژی
سەرۆک وەزیرانی عێراق، ئێوارەی ئەمڕۆ کۆنفرانسێدا ڕایگەیاند "تاوەکو ئێستا
حکومەت و هەرێمی کوردستان پابەندی ئەو رێککەوتنەن کە بۆ قۆناخێک لەنێوانیاندا کراوە
و ماوەکەی سێ مانگە سەبارەت بە دابینکردنی بەشێک لە مووچەی فەرمانبەرانی هەرێمی
کوردستان لەبەرامبەر پابەندبوونی حکومەتی هەرێمی کوردستان بە بەشی نەوتی و رادەستکردنی
50٪ داهاتی گومرگەکان".
ئەحمەد مەلا تەڵاڵ
ئەوەشی وتووە، "ئەو رێککەوتنە بەردەوامە
و کاری پێدەکرێت تاوەکو پرۆژەیاسای بودجەی ٢٠٢١ پەسەند دەکرێت، جگە لەمە هیچ شتێکی
دیکە نییە".
ئەمەش لە کاتێکدایە
وابڕیارە سبەی پەرلەمانى عێراق یاسای قەرز
پەسەندبکات و دواتریش دابەشکردنی موچە لە عێراق دەستپێدەکات و دوای ئەوەش
٣٢٠ ملیارە هەرێم دەنێردرێت.