سەرباری ئەوەی خۆشۆردنی رۆژانە بۆ پاکژی جەستە گرنگە، بەڵام خۆشۆردنی لەڕادەبەدەر و بەکارهێنانی پێکهاتە پاککەرەوەکان زیانی هەیە بۆ جەستە و نابێت زیا لە پێویست خۆمان بشۆین.

 
ئەو هەڵە باوانەی لە کاتی خۆشۆردندا دوبارە دەبنەوە:
خۆشۆردنی لە رادەبەدەر: یەک جار خۆشۆردن لە رۆژێکدا زۆر تەندروستە، بەڵام لە کاتی خۆشۆردنی زیاتر لە جارێک، زیان بە پێست دەگات و دەبێتە هۆی نائارامی.

بەکارهێنانی پاکژکەرەوەی نەگونجاو: زۆرێک لە پاکژکەرەوەکان دەبنە هۆی لەناو بردنی بەکتریاکان ، کە هەندێکیان بەکتریای تەندروستن بۆ جەستە، بۆیە پێویست بە هەڵبژاردنی پاکژکەرەوەیەکی گونجاو دەکات.

نەشۆردنی خاولی بەپێی پێویست: لە کاتی نەشۆردنی خاولی، ژینگەیەکی گونجاو بۆ بەکتریا و کەڕو و ڤایرۆس دروست دەبێت، بۆیە پێویستە هەفتانە بۆ ماوەی ٥ خولەک خاولی خۆشۆردن بە پێکهاتە تایبەتەکان بشۆردرێت.

پاکنەکردنەوەی لفکە: ئەو لفکەیەی بۆخۆشۆردن بەکاردەهێنرێت، دەکرێت ببێت بە شوێنێکی گونجاو بۆ گەشەسەندنی بەکتریا، بۆیە پێویستە هەفتانە جوان بشۆردرێت.

خۆشۆردن بە ئاوی گەرم: خۆشۆردن بە ئاوی گەرم سەرباری ئەوەی دەبێتە هۆی ئارامی بۆ جەستە، بەڵام لە هەمان کاتدا دەبێتە هۆی لابردنی ئەو زەیت و چەوریانەی کە لەسەر جەستە هەن و بەسوودن، بۆیە پسپۆڕان رێنمایی دەکەن بە بەکارنەهێنانی ئاوی زۆرگەرم لە کاتی خۆشۆردندا.

زۆر شۆردنی قژ: پسپۆڕان رێنمایی ئەو کەسانە دەکەن کە پێستی سەریان چەور نیە زۆر سەر و قژیان نەشۆن، چونکە ئەو چەورییە بەسوودە بۆ تەندروستی قژ.

خلیسکان لەکاتی خۆشۆردندا: ساڵانە بە هەزاران کەس بەهۆی خلیسکان و کەوتن لەکاتی خۆشۆردندا بریندار دەبن، لە هەندێ حالەتیشددا بووەتە هۆی مردن، بۆیە وا باشترە لە شوێنەکەدا رێککاری پێویست بۆ ڕێگری کردن لە خلیسکان بگیرێتەبەر.

شێدارنەکردنی پێست دوای خۆشۆردن: لە کاتی خۆشۆردندا، پێست وشکدەبێتەوە بۆیە واباشترە دەستبەجێ شێداربکرێتەوە.

بەهەڵە بەکارهێنانی پاکژکەرەوەکان: هەموو شوێنێکی جەستە پێویستی بە بەکارهێنانی پاکژکەرەوە نیە بۆیە پێویستە بەکارهێانی کەم بکرێتەوە