دەزگای لوتکە بۆ کاروباری ئاوارە و پەنابەران رایگەیاند، لە رێگەی پەیوەندیەکانیانەوە لەگەڵ حکومەتی میسر  کۆچبەرە کوردە دەستگیرکراوەکانی  ئەو وڵاتە دەگەڕێننەوە هەرێمی کوردستان.

ئەمڕۆ ١١ی تشرینى دووەم، دەزگای لوتکە بۆ کاروباری ئاوارە و پەنابەران رایگەیاند، "پاش ئەوەی ژمارەیەک کۆچبەر ویستوویانە لە وڵاتی تورکیاوە بە رێگای ئاوی بگەنە کەناراوەکانی ئیتاڵیا، لەلایەن هێزی دەریاوانی وڵاتی میسڕەوە دەستگیرکران و چەند هەفتەیەکە لەو وڵاتە دەسبەسەرن."

 دەزگاکە ڕاشیگەیاندووە، "توانیویانە بڕیاری ئازادکردن بۆ سەرجەم پەنابەرە کوردەکان وەربگرن و لە ئایندەیەکی نزیکدا دەگەڕێنرێنەوە هەرێم".

باس لەوەشکراوە،  لە نزیکترین کاتدا کەسوکاری ئەو کۆچبەرانە لە کاتی گەڕانەوەیان ئاگاداردەکاتەوە.