بەڕێوەبەرایەتی كەشناسی و بومەلەرزەزانی عێراق
ڕایگەیاند، هەفتەی داهاتوو شەپۆلێکى بارانبارین ڕوو لە عێراق دەکات و زۆربەى
ناوچەکان دەگرێتەوە.
بەڕێوەبەرایەتی كەشناسی و بومەلەرزەزانی عێراق
لە راگەیەندراوێكدا بڵاویكردەوە، ڕۆژانی پێنجشەممە و هەینی نزمە پاڵەپەستۆیەك
لە دەریای سورەوە ڕوودەكاتە ناوچەكە و كەشوهەوای وڵات بەشێوەیەكی گشتی نیمچە هەور
و هەندێك جار هەوری تەواو و نمە باران دەبێت.
ئەوەشیی ڕاگەیاندووە ، ڕۆژی شەممەی داهاتوو ٢١ی
تشرینی دووەم ئەو نزمە پاڵەپەستۆیە لەگەڵ پاڵەپەستۆیەكی تر لە دەریای ناوەڕاست یەكدەگرێت
و دەبێتە هۆی بارانبارینی مامناوەند لە چەند ناوچەیەكی عێراق، بەڵام لە ناوچەكانی ڕۆژهەڵات
بارانی بەهێز دەبارێت وەك سلێمانی، هەڵەبجە، دیالە، كوت و عەمارە.
كەشناسی عێراق جەختی لەوەشكردوەتەوە، هەروەها
بارانبارینەكە هەورە بروسكەی لەگەڵدا دەبێت و لە هەندێك ناوچەش لافاو دروست دەبێت،
لە ڕۆژی یەكشەممەشەوە ئەو كاریگەرییە بەرەو كەمبوونەوە دەچێت.