وەزیری خوێندنی باڵا رایگەیاند
لە ئەنجامى سکاڵاکان سێ هەزار و ٢٤٩ خوێندکاری
دیکە لە زانکۆ و پەیمانگەکانی هەرێمی کوردستان وەرگیراون .
ئارام محەمەد، وەزیری خوێندنی باڵا و توێژینەوەی
زانستی رایگەیاند، لە پێناو رەخساندنى زۆرترین دەرفەت بۆ دەرچووان، ئەمساڵ زۆرترین
پلانى وەرگرتنمان بۆ دەرچووان دابینکردووە بۆ ئەوەى سەرجەم دەرچووان لە زانکۆ و پەیمانگەکان
وەربگیرێن.
ئەو وەزیرە راشیگەیاندووە، بەم شێوەیە کۆی وەرگیراوانى
ئەمساڵى خوێندن لە زانکۆ و پەیمانگەکانی هەرێمی کوردستان گەیشتۆتە زیاتر لە ٥٢ هەزار
و ٨٠٠ خوێندکار و قوتابى.
ئەوەشی خستووەتەڕوو، کە لەپێناو رەخساندنى زۆرترین
دەرفەت بۆ دەرچووان، ئەمساڵ زۆرترین پلانى وەرگرتنیان دابینکردووە بۆ ئەوەى سەرجەم
دەرچووان لە زانکۆ و پەیمانگەکان وەربگیرێن.
ئەمەش لەکاتێکدایە، سەرەتای ئەم مانگە وەزارەتی
خوێندنی باڵا ئەنجامی وەرگیراوانی زانکۆ و پەیمانگەکانی هەرێمی بڵاوکردەوە و تێیدا،
لە کۆی ٥٤ هەزار و ٢٩٦ داواکاری، ٤٧ هەزار و ١٧٨ دەرچوو وەرگیران، کە دەکاتە رێژەی
٨٧%.