ئاژانسی زانیاری و لێکۆڵینەوەی فیدراڵی عێراق رایگەیاند، شانەیەکی نوستوی داعشیان دۆزیوەتەوە.

ئەمڕۆ پێنجشەممە ١٩ی تشرینی دووەم، ئاژانسی زانیاری و لێکۆڵینەوەی فیدراڵی عێراق رایگەیاند. لە کاتی و گەڕان و لێکۆڵینەوەکاندا، توانرا شانەیەکی نوستوی رێکخراوی تیرۆرستی داعش بدۆزنەوە و چوار ئەندامی شانەکە بە تۆمەتی ئەندام بوون لە رێککخراوی داعش دەستگیر بکەن.
لەدوای دەستبەسەر کردنیان و لە کاتی لکۆڵینەوە لەگەڵیان، دانیان بەوەدا نا ئەندامن لە رێکخراوی تیرۆرستی داعشدا و چەند کردەوەیەکی تیرۆرستیان ئەنجام داوە، یەکێکیان ئۆپەراسیۆنی داگیرکردنی تەل ئەسقەر بووە لە ناوچەکە کە تێیدا رووبەڕوی پێشمەرگە بوونەتەوە.