دوای ئەوەی لە چەند پەیج و سایتێک لە تۆڕی کۆمەڵایەتی فەیسبووک هەواڵی کۆچی دوایی بەیان بۆمبا، ئەکتەری دیاری سلێمانی و کوردستان بڵاوبووەوە، لە چاوپێکەوتنێکدا نیگەرانی خۆی دەربڕی.

ئەمڕۆ یەکشەممە ٢٢ی تشرینی دووەم، لە چاوپێکەوتنێکدا لەگەڵ BMC ، بەیان بۆمبا رایگەیاند، خەوتبووم  بەڵام بە پەیوەندی تەلەفۆنی براکەم کە لە دەرەوەی وڵاتە خەبەرم بووەتەوە و پێی وتم کە هەواڵی مردنت بڵاوبووەتوە، دوای بیستنی ئەمە خاتو بەیان زۆر نیگەران بووە.
بەیان بۆمبا وتیشی کە بڵاوکردنەوەی ئەو جۆرە هەواڵانە بووەتە هۆی نیگەرانی بنەماڵەکەی و هەوادارەکانی بەو پێیەی بە وتەی خۆی لەناو هەوادارەکانیدا رێز و خۆشەویستی زۆری هەیە و پێگەیەکی جەماوەری هەیە و لە دوای بڵاوبوونەوە هەواڵەکە پەیوەندیەکی زۆری پێوەکراوە.
لە کۆتاییدا بەیان بۆمبا ئاشکرای کرد کە سەرباری ئەوەی حکومەت رێزی هونەرمەندەکان ناگرێت لانی کەم با هەوادارەکانیان رێزیان بگرن و دوور بن لە بڵاوکردنەوەی هەواڵی دوور لە راستیەوە.