Alternate Text

زۆرترین بینراو

Alternate Text

هۆشداری لەبارەی تەلی حاجەت شۆردنەوە دەدرێت

کوردستان

24/11/2020

Alternate Text

راگەیاندنی قائیمقامیەتی سلێمانی ڕایگەیاند ، سەبارەت بەمەترسی بەکارهێنانی تەلی حاجەت بۆسەر تەندروستی مرۆڤ هۆشیداری دەدرێت.

لەشکر حەمید، سەرۆکی لیژنەکانی قائیمقامیەتی سلێمانی سەبارەت بە مەترسییەکانی کەمتەرخەمی لە بەکارهێنانی تەلی حاجەت شۆردن دەدات و رایدەگەیەنێت: پێکهاتەی تەلی شۆردنی حاجەت (ئەو دەفرانەی خواردنیان تیادا ئامەدەکرێت) لەوردە ئاسن پێکهاتووە بۆیە پێویستە بەوریاییەکی زۆرەوە بەکاربهێنرێت چونکە هەندێک جار پارچەی لێ دەبێتەوە و تێکەڵی خواردن دەبێت ئەمەش لەشی مرۆڤ توشی ژەهراوی بوون دەکات.

ڕاشیگەیاندووە،  لەکاتی قوتدانی تەلەکە لەگەڵ خواردنەکان، ئەگەری زۆرە لە بۆرییەکانی هەناسە، ڕیخۆڵە یان دیواری گەدە بچەقێت، دەبێتە هۆی هەوکردن و دروست بوونی برین.

سەرۆکی لیژنەکانی قائیمقامیەتی دەشڵێت،  تەلی حاجەت لەکاتی چوونە لەناو گەدەدا لەگەڵ ترشەکان کارلێک دەکات و بەدروستکردنی ماددەی نوێ دەبێتە هۆی ژەهراوی بوون و بەرزبوونەوەی تۆکسین و ڕێژەی کانزا قورسەکان لە جەستەی مرۆڤدا.
 ئاماژەی  بەوەشکردووە، لەبەر ئەم کاریگەریانەی لەسەر تەندروستی مرۆڤ، لیژنە هاوبەشەکانی قائیمقامیەت و تەندروستی سلێمانی ڕێگری لە بەکارهێنانی تەلی حاجەت دەکەن لە شوێنە گشتییەکان وهەروەها پێشیانوتراوە نابێت مەنجەڵی تیڤاڵی و سینی داخوراو بەکاربهێنن.

لەشکر حەمید، داوا لەخانمان دەکات بۆ سەلامەتی تەندروستی خۆتان و خێزانەکەتان، لەکاتی شۆردنی دەفرەکان و پێداویستییەکانی دیکەی ئامادەکردنی خواردەمەنی بەوریاییەکی زیاترەوە تەلی حاجەت بەکاریبهێنن تا لە مەترسی پارچەبون و تێکەڵ بونی بەخواردنەکان پارێزراوبن.

سەرۆکی لیژنەکان کەهاوکات ئەندازیاری خۆراکە، هۆشیداری بەدوکان و ئەو شوێنانە دەدات کەخواردن تیایدا ئامادە دەکرێت و دەڵێت: بۆ خاوێنکردنەوە و شۆردنی ئەو دەفر و پێداویستیانەی لە ئامادەکردنی خواردەمەنیدا بەکاردەهێنرێت ئەو تەلی حاجەتە بەکارنەهێنن کە لەوردە ئاسن دروستکراوە، بەپێچەوانەوە روبەڕوی رێکاری یاسایی دەکرێنەوە.

Copyright 2019 BMC TV. All right reserved

Designed and Developed by AVESTA GROUP