فادی هاشم هاوسەری نانسی عەجرەم، هونەرمەندی دیاری لوبنانی، تۆمەتبارە بە کوشتنی کەسێک بە مەبەست.

دوای ئەوەی لە سەرەتای ئەم ساڵدا و لە مانگی کانوونی دووەمدا، کەسێک دەچێتە ناو ماڵی نانسی عەجرەم و فادی هاشمی هاوسەری بە مەبەستی دزیکردن، هاوسەرەکەی نانسی عەجرەم بە فیشەک چەند جارێک دەیپێکێت تا لە کۆتاییدا دەیکوژێت.
بە گوێرەی سەرچاوەکان، کەسەکە بە ڕەچەڵەک سوری بووە و کاتێک چۆتە ناو ڤێلای خیزانەکەی نانسی عەجرەم، هەڕەشەیان لێدەکات و دەڵێت ئەگەر پارە و خشڵم نەدەنێ منداڵەکانتان دەکوژم، لە ئاکامدا فادی بە پەلە دەست بۆ چەکەکەی دەبات و بە ١٨ فیشەک کەسەکە دەکوژێت.
سەرچاوەکان روونیشیان کردوەتەوە، دادوەری بەرپرس لە دۆسیەکە تۆمەتی کوشتنی بەمەبەستی ناوەتە پاڵ فادی هاشمی، بەڵام بەهۆی ئەوەی کەسەکە چۆتە ناو ماڵی ئەوەوە و فادی لە بەرگریکردن لە خۆی و خێزانەکەی کوشتویەتی، ئەوا بەهۆی بەرگری کردن لە خۆی لە سزاکانی سەری خۆش بووە و ئازاد کراوە.