ساسان عەونی، وەزیری شارەوانی و گەشتوگوزاری هەرێم
رایگەیاند، بە گوژمەی زیاتر لە شەش ملیۆن دۆلار، چەند پڕۆژەیەکی خزمەتگوزاری لە سلێمانی و
هەڵەبجە جێبەجێ دەکرێن.
ئەمڕۆ هەینی ٢٧ی تشرینی دووەم، ساسان عەونی وەزیری شارەوانی
هەرێم رایگەیاند، لە میانەی گرنگیدان بە سێکتەر ئاوی خواردنەوە و نۆژەنکردنەوەی
تۆڕەکانی دابینکردنی ئاو، چەند پڕۆژەیەکی خزمەتگوزاری بە گوژمەی زیاتر لە شەش ملیۆن دۆلار
بە قەرزی درێژخایەن لەلایەن ئاژانسی جایکای زاپۆنیەوە جێبەجێ دەکرێت لە شارەکانی سلێمانی و هەڵەبجە.
وەزیری شارەوانی راشیگەیاند، وا بڕیارە بەم زووانە پڕۆژەی پەرەپێدانی ئاوی
خواردنەوە لە هەرێمی کوردستان و بەتایبەت سلێمانی و هەڵەبجە واژوو بکرێت.