ڕێکخراوی بازرگانی ئێران رایگەیاند، ئاستى هەناردەى
کاڵای ئێرانی بۆ عێراق بەڕێژەیەکی دیار زیادبووە و پێش چین کەتووە.
ئاژانسى مێهرى ئێرانى لەسەر زاری فەرزاد پیتلن
بەرپرسی گشتی ڕێکخراوی بازرگانی ئێرانی بڵاویکردەوە، لە ماوەی حەوت مانگی یەکەمی
٢٠٢٠دا ڕێژەى هەناردەکردنی کاڵاى ئێرانى بۆ
عێراق ١٧ ملیۆن و ٦٠٠ هەزار تۆن بووە کە بەهاکەى گەیشتووەتە پێنج ملیار دۆلار، کە
زیاترە لە هەناردەکردن بۆ چین. و بەمەش رێژەى هەناردە بۆ عێراق 26% زیادیکردووە بەراورد بە ساڵى رابردوو.
فەرزاد پیتلن ئەوەشی وتووە، دوای عێراق، هەناردە
کردنەکانی ئێران لە ڕیزەوە بۆ وڵاتانی چین بە چوار ملیار و ٤٠٠ ملیۆن دۆلار و ٢٤ لەسەد
لە پلەی دووهەم دێت، ئیمارات بە ٢ ملیار و ٢٠٠ ملیۆن دۆلار و ١٢ لەسەدی هەناردە
کردنەکان لە پلەی سێهەم، تورکیا بە یەک ملیار و ٥٠٠ ملیۆن دۆلار و ٨.٢ لەسەد لە پلەی
چوارەم، ئەفغانستان بە یەک ملیار و ٣٠٠ ملیۆن دۆلار و ٧.٣ لەسەد لە پلەی پێنجەم
بووە.
ناوبراو رونیشیکردووەتەوە، جگە لە گاز و کارەبا،
مێڵەی ئاسنی، تەماتە، کاشی و سرامیک، شامی، فێنک کەرەوە، دۆشاوی تەماتە، پەنیر و بیسکویت
لە کاڵا هەناردەییەکانی ئێران بۆ عێراق بووە.
ئەمەش لە کاتێکدایە بە پێی داتا بازرگانییەکانی
عێراق زۆربەى ئاڵوگۆڕی نێوان عێراق و ئێران لە خاڵە سنورییەکانی کوردستانەوە
دەکرێت.