بەبۆنەی کۆچی دوایی بەهادین نوری سکرتێری پێشویی حیزبی شیوعی سەرۆکایەتی یەکێتی لە پەیامێکدا رایگەیاند خۆمان بە بەشداری ئەم خەم و ماتەمە دەزانین.
ئەمڕۆ سێشەممە، سەرۆکایەتی یەکێتی نیشتیمانی کوردستان بەبۆنەی کۆچی دوایی بەهادین نوری سکرتێری پێشووی حیزبی شیوعی کوردستان پەیامێکی بڵاوکردەوە کە ئەمە دەقەکەیەتی:
پرسەو ھاوخەمی خۆمان ، بەبۆنەی كۆچی دوایی سكرتێری پێشووتری حزبی شیوعی عێراق و كەسایەتی سیاسی و دیاری كورد مامۆستا ( بەھادین نوری ) رادەگەیەنین.
مامۆستا بەھادین نوری ، كەسایەتییەكی نیشتمان پەروەر و تێكۆشەرو پێشمەرگەوسیاسەتمەدار و خاوەن قەڵەمێكی دیاری گەلەكەمان بوو .كە لەڕووداوە سیاسییەكانی ھەرێمی كوردستان و عێراق ، خاوەن ھەڵوێستی نیشتمانی و كوردپەروەرانە بوو .
مامۆستای كۆچكردوو ، لەتەمەنی پڕبەخششی بە پاكی ژیاو ھەمیشە لەبەرەی گەل و میللەتەكەی بوو ، لەپاش خۆشی مێژوویەكی پڕشانازیی و سەروەریی لەپاكی و شۆڕشگێڕی جێھێشت ، و لەدەستدانیشی خەمێكی گەورەیە بۆ ھەموولایەكمان ، وەك سەرۆكایەتیی یەكێتیی نیشتمانیی كوردستانیش خۆمان بەبەشداری ئەم خەم و ماتەمە دەزانین.
رۆحی مامۆستای كۆچكردووش بۆ ھەمشە شادبێت و ئارامی و خەمڕەوانی بەھەموولایەك ببەخشێت .
سەرۆكایەتیی یەكێتیی نیشتمانیی كوردستان