پەرلەمانتارە ناڕازییەكانی پەرلەمانی كوردستان ڕایانگەیاندووە، دژی بڕیاری هەڵوەشاندنەوەی كۆبوونەوەكەی
سبەینێی پەرلەمانن.
دەقی راگەیەنراوەكە:راگەیاندراوێك لە پەرلەمانتارە
ناڕازییەكانی كورستان-ەوە
ئێمەی ئەندامانی ناڕازیی لە پەرلەمانی
كوردستان، كە لە دانیشتنەكەی رۆژی ٣٠/ ١١/ ٢٠٢٠دا، هەڵوێستمان دەربڕیی و پێداگریمان
كرد لەسەر بانگێشتكردنی حكومەت بۆ پەرلەمان و چارەسەركردنی كێشەی موچەخۆرانی هەرێمی
كوردستان، دژی بڕیاری هەڵوەشاندنەوەی كۆبونەوەكەی سبەینێی پەرلەمان-ین، كە دەبو
حكومەت بهێنرێتە پەرلەمان و پرسی چارەسەركردنی موچە و ناكۆكیی هەرێم و بەغداد لەسەر
نەوت و داهاتی خاڵە سنورییەكان یەكلابكرانایەتەوە، بۆ ئەوەی چیتر هاونیشتمانیان و
موچەخۆران نەكرێنە قوربانیی سیاسەتی چەوتی حكومەتی هەرێم.
ئێمەی ناڕازیی لە پەرلەمان، بەڵێن بە خەڵكی
جوامێری كورستان دەدەین كە سورین لەسەر هەڵوێستەكانمان و داكۆكیكردن لە مافە رەواكانیان
و هۆشداریش دەدەینە دەستەی سەرۆكایەتیی پەرلەمان، كە ناكرێت چیتر خەمساردبێت لە ئەنجامدانی
دانیشتنی پەرلەمان بۆ چارەسەركردنی پرسی موچە و تەرخانكردنی دانیشتنەكانی پەرلەمان
بۆ بابەتی لابەلا، بە پێچەوانەوە هەمو رێگایەكی یاسایی و ناڕەزایی پەرلەمانیی و مەدەنیی
دەگرینە بەر و بۆ داهاتویش، هەمو ئەگەرەكان لەبەردەممان دا كراوە دەبن.
پەرلەمانتارانی ناڕازیی لە پەرلەمانی كوردستان
١/ ١٢/ ٢٠٢٠