بەڕێوەبەری نەخۆشخانەی خورماڵ رایگەیاند،
لە ماوەی چەند رۆژی رابردوودا ١٢١ نەخۆش
بە نیشانەکانی سکچوون و رشانەوە سەردانی نەخۆشخانەکەی ئێمەیان کردووە.
ئەمڕۆ هەینی، ١ی کانونی دووەم، عەزیز شەوکەت، بەڕێوەبەری
نەخۆشخانەی خورماڵ رایگەیاند، چەند رۆژێکە زیاتر لە١٢١ کەس بە نیشانەی سکچوون و
رشانەوە براونەتە نەخۆشخانە، ٩٥٪ ئەو نەخۆشانەش کە سەردانیان کردووین دانیشتووی هەریەکە
لە گەڕەکەکانی ئاشتی و قەڵای خوڕماڵن.
ناوبراو راشیگەیاند، توانیومانە چارەسەری تەواو بۆ نەخۆسەکان بکەین و دۆخی تەندروستییان جێگیرە، بۆ زانینی هۆکاری سەرەکی ئەم سکچوون و
رشانەوەیەوەش لە رۆژی رابردووەوە تیمێکی تەندروستی لە هەڵەبجەوە هاتوونەتە خورماڵ .
هاوکات، به‌ڕێوه‌به‌رى خۆپاراستنی ته‌ندروستی هه‌ڵه‌بجە رایگەیاند، بەهۆی تێکەڵبوونی ئاوەڕۆ لەگەڵ پرۆژەی ئاوی ماڵان ئەو هاوڵاتییانە ژەهراویبوونە، تیمێكی خۆپاراستنی ته‌ندروستی هه‌ڵه‌بجه لێكۆڵینه‌وه‌یان ده‌ستپێكرد و سه‌ردانی سەرچاوەی ئاوەکەیان كرد، ده‌ركه‌وت سه‌رچاوه‌ى ئاوه‌كه كێشه‌ى نییه، بەڵکۆ بەهۆی تێکەڵبوونی ئاوەڕۆیە بە ئاوی ماڵان لە کاتی گواستنەوەیدا.