جێگری بەڕێوەبەری پەروەردەی سلێمانی رایدەگەیەنێت، پێشنیارمان کردووە گەر لە ١٠ی ئەم مانگە دەوامی قوتابخانە و خوێندنگەکان دەست پێبکرێنەوە چەند قۆناغێکی خوێندن هەموو رۆژێک دەوام بکەن.

عومەر محەمەد،  جێگری بەڕێوەبەری پەروەردەی سلێمانی بە BMC راگەیاند، پێشنیارێک هەیە لە رێککەوتی ١٠ی ئەم  مانگە دەوامی قوتابخانە و خوێندنگەکان دەستپێبکرێنەوە، بەڵام وەک بڕیار لە ٧ی مانگ لەلایەن لیژنەی باڵای رووبەڕووبوونەوەی کۆرۆنا بڕیاری لێدەدرێت.

ئەگەر دەوام لەو کاتەی پێشنیارمان کردووە دەستپێبکاتەوە، پێشنیارمان ئەوەیە قۆناغەکانی(یەک و دوو  و نۆ  و دوانزە) هەموو رۆژێک دەوام بکەن و قۆناغەکانی دیکەش سێ رۆژ لەهەفتەیەکدا تا ئەو کاتەی هەڵسەنگاندن بۆ دۆخەکە دەکرێت.

ئاشکراشیکرد، پێشنیارمان ئەوەیە پشووەکان لاببرێن، و دەبێت مەنهەجی خوێندن تەواو بکرێن.