Alternate Text

زۆرترین بینراو

Alternate Text

ئەمريكا.. گيان لەدەستدان بە كۆرۆنا ٣٦٠ هه‌زارى تێپەڕاند

جیهان

پێش 2 هەفتە

Alternate Text

لە ئەمريكا لە ماوەى ٢٤ كاتژمێردا رابردوودا هەزار و ٣٨٤ توشبووى كۆرۆنا گيانيان لەدەستداوە و بەوشێوەيە كۆى گشتى ژمارەی ئەو کەسانەی كە دوای تووشبوونیان بە ڤایرۆسی کۆرۆنای نوێ (COVID-19) گیانیان لەدەستداوە گەیشتووه‌تە ٣٦٠ ھەزار و ٨٨ کەس.

بەپێی زانیارییەکانی ماڵپەڕی "Worldometer" کە پشت بە ئامارە نوێکراوەکانی پەتاکە دەبەستێت لە جیھاندا، لە ئەمریکا لە ماوەی ٢٤ کاتژمێری رابردوودا ٢٠٨ ھەزار و ٩٤٢ کەسی دیكه‌ تووشی ڤایرۆسی كۆرۆنا بوون، و كۆی گشتیی ئەو کەسانەی کە تووشی ڤایرۆسەکە بوون گەیشتووه‌تە ٢١ ملیۆن ١١٥ ھەزار و ٣٦ کەس. 

هه‌روه‌ها لە ماوەی رۆژى  رابردوودا، هەزار و ٣٨٤ کەسی دیکە دوای تووشبوون به‌ ڤایرۆسه‌كه‌ گیانیان له‌ده‌ستداوه‌ و كۆی گشتیی ئەوانەی کە لە ئەمریکا دوای تووشبوونیان بە ڤایرۆسی کۆرۆنای نوێ گیانیان لەدەستداوە گەیشتووه‌ته‌ ٣٦٠ ھەزار و ٨٨ کەس.

ھاوکات ١٢ ملیۆن و ٣٣٨ ھەزار کەس لە ڤایرۆسی كۆرۆنا چاکبوونەتەوە و ژمارەى ئەو پشکنینانەى کە ئەنجامدراون ٢٥٨ مليۆن و ١٧١ى تێپەڕاندووه‌. 
  زۆرترين حاڵەتى تووشبوون لە فلۆريدا و زۆرترين گيانلەدەستدان لە نيويۆرك تۆماركراوە

له‌سه‌ر ئاستی ناوخۆی ئه‌مریكاش، ویلایەتی كاليفۆرنيا بە نزيكەى دوو مليۆن و ٤٣٢ هەزار حاڵه‌ت لە پلەى يەكەمدايە، له‌دوای ئه‌ویش به‌ نزيكەى يەك مليۆن و ٨١٩ هه‌زار حاڵه‌ت تێكساس و فلۆريدا بە زياتر لە يەك مليۆن و  ٣٦٥ هەزار حاڵەت دێن. 

لەرووى ژماره‌ی حاڵەتەكانى گيانلەدەستدانیشه‌وه‌، ويلايەتى نيويۆرک بە ٣٨ هەزار و ٣٦٩ حاڵەت لە ریزبه‌ندی یه‌كه‌می سه‌رجه‌م ويلايەتەكاندایه‌.

ئەمریکا لەسەر ئاستی جیهان پلەی یەکەمی گرتووە لە تۆمارکردنی بەرزترین ژمارەی توشبووانی پەتاکە، پاش ئەویش هيندستان دێت بە زياتر لە ١٠ ملیۆن و ٣٤٥ هەزار توشبوو، پاشان بەڕازيل كە زياتر حەوت ملیۆن و ٧٣٣ هەزار حاڵەتی توشبوون بە پەتاکەى تێدا تۆمارکراوە. سەبارەت بە ژمارەى گيانلەدەستدان، ئەوە لە هيندستان ١٤٩ هەزار و لە بەڕازيل ١٩٦ حاڵەتى تێپەڕاندووە.

Copyright 2019 BMC TV. All right reserved

Designed and Developed by AVESTA GROUP