بەهۆی دواخستنی کۆبوونەوەی وڵاتانی ئەندام لە رێکخراوی "ئۆپیک" نرخی نەوت دابەزی و ئەمڕۆ یەک بەرمیل نەوتی خاوی "برێنت" لە بازاڕەکانی جیهاندا بە ٥١ دۆلار و سێ سەنت مامەڵەی پێوەکراوە.
ئەمڕۆ سێشەممە، ٥ی کانوونی دووەم، نرخی نەوت لە بازاڕەکانی جیهاندا دوو دۆلار دابەزی، بە جۆرێک کە یەک بەرمیل نەوتی خاوی "برێنت" بە ٥١ دۆلار و سێ سەنت مامەڵەی پێوەکراوە، یەک بەرمیل نەوتی ئەمریکی "تکساس"یش بە ٤٨ دۆلار و ٦٣ سەنت فرۆشراوە.
دابەزینی نرخی نەوت لە کاتێکدا دوێنی دووشەممە، بۆ یەکەمین جار بەراورد بە چەند مانگی داهاتوو نرخی نەوت گەیشتە ٥٣ دۆلار.
گفتوگۆکانی وڵاتانی ئەندام لە "ئۆپیک" بەردەوامە و زۆربەی ئەندامان و بە تایبەت سعودیە دژی پێشنیازی روسیان لەبارەی زیاترکردنی بڕی بەرهەمهێنانی نەوتن بۆ مانگی شوبات، ئەمەش پاش ئەوە هات وڵاتانی ئەندام لەسەر زیادکردنی بەرهەمهێنانی ٥٠٠ هەزار بەرمیل لە رۆژێکدا رێککەوتن.