لە نەشتەرگەرییەکی دەگمەندا لە وڵاتی میسر، منداڵێکی تەمەن دوو هەفتەییی نەشتەرگەری قەیسەری بۆ دەرهێنانی منداڵێک لە سکیدا بۆ کراوە.
سایتی سبوتنیک بڵاویکردووەتەوە، نەشتەرگەرییەکە لەلایەن تیمێکی پزیشکی سەر بە نەخۆشخانەی فێرکاری ئەسیوت ئەنجامدراوە وسەرکەوتنی بەدەستهێناوە.
ئەنجامدانی نەشتەرگەرییەکە دوای ئەوە هات منداڵێک لەدایکبوو و دوای چەند رۆژێک هەست بەوە کراوە شتێکی نامۆ لەناو سکیدا هەیە، دواتر بۆیان دەرکەوتووە منداڵێکی زۆر بچوک بە شێوەی زگمک لە سکیدایە.
ئەم حاڵەتە لە ٥٠٠هەزار منداڵ، لە یەک منداڵدا روودەدات، حاڵەتەکەش لەکاتی دووگیانبوونی دایکەکە بە شێوەیەکی دەگمەن روودەدات.