Alternate Text

زۆرترین بینراو

Alternate Text

٢٢ پەرلەمانتار داوای زیادکردنی بڕگەیەک لە دانیشتنەکەی سبەینێی پەرلەمان دەکەن

کوردستان

پێش 3 هەفتە

Alternate Text

٢٢ ئەندامی پەرلەمانی کوردستان لە رێگەی نوسراوێکەوە داوا لە سەرۆکایەتی پەرلەمان دەکەن بڕگەیەک بۆ تاوتوێکردنی رەوشی مووچەخۆرانی هەرێم بە ئامادەبوونی لایەنە پەیوەندیدارەکان بۆ دانیشتنەکەی سبەینێی پەرلەمان زیادبکرێت.
ئەمڕۆ سێشەممە، ٥ی کانونی دووەم، بە گوێرەی نوسراوێک کە کۆپییەکی دەستی BMC کەوتووە، ژمارەیەک پەرلەمانتار داوا لە سەرۆکایەتی پەرلەمان دەکەن کە پاڵپشت بە ماددەی ٤٨ی بڕگەی چوارەم لە پەیڕەوی ناوخۆی پەرلەمان، بڕگەیەک بۆ بەرنامەی کاری دانیشتنی ژمارە (١)ی نائاسایی رۆژی ٦ی ١ی ٢٠٢١ی پەرلەمان زیادبکرێت و تایبەت بێت بە تاوتوێکردنی رەوشی مووچەخۆرانی هەرێم و ئەو هۆکارانەی بوونە هۆی بڕینی مووچە.
هاوکات، ئاماژە بەوەشکراوە،" داوا دەکەین سەرجەم ئەو لایەنە پەیوەندیدارانە ئامادەی دانیشتنەکە بن کە لە ساڵی ٢٠٢٠ پێیان نەدراوە".

شایەنی باسە، بڕیارە سبەی چوارشەممە، پەرلەمانی کوردستان لەبارەی پڕکردنەوەی پۆستی وەزیری سامانە سروشتییەکانی هەرێم و دیاریکردنی کەمال ئەتروشی بۆ ئەو پۆستە کۆببێتەوە.

Copyright 2019 BMC TV. All right reserved

Designed and Developed by AVESTA GROUP