بێگەرد تاڵەبانی رایگەیاند، بە مەبەستی پارێزگاریکردن لە
بەرهەمی خۆماڵی، بۆ لەمەدوا ستیکەر و باڕکۆد و لۆگۆی وەزارەتی کشتوکاڵ لەسەر
بەرهەمی مریشكی سەربڕخانەکانی هەرێم دادەنرێت.
بێگەرد تاڵەبانی، وەزیری کشتوکاڵ و سەرچاوەکانی
ئاوی هەرێم لە راگەیەندراوێكدا بڵاویکردووەتەوە، لەپێناو پاراستنی بەرهەمی ناوخۆ و بەگەڕخستنەوەی
سەربڕخانەکان و بەرهەمەکانیان بۆ هەرێمی کوردستان و ناوەڕاست و خواروی عێراق و
جیاکردنەوەی لە بەرهەمی هاوردەکراوی نایاسایی ئیدی لۆگۆ و ستیکەر و باڕکۆدی
وەزارەتی کشتوکاڵ لەسەر مریشکە سەربڕاوە خۆماڵییەکان دادەنرێت.
ناوبراو راشیگەیاند، لە پێناو جێبەجێکردنی ئەو
هەنگاوە، لە ڕێگەی پرۆژەیەکی فراوان لەگەڵ کۆمپانیایەک رێککەوتووین کە ئامادەکاریی
و ڕێکارە یاساییەکانی گرتووەتەبەر.
لە بارەی سودی ئەو باڕکۆدانەوە وەزیری کشتوکاكی
هەرێم ئاماژەی بەوەشکرد، هاوڵاتیان لە ڕێگەی سەیرکردنی سیستەم و باڕکۆدەکان هەر
ڕەخنەیەکیان هەبێ لە بارەی کوالێتی و نرخی مریشکەکان دەتوانن ڕاستەوخۆ بیگەیەننە
دیوانی وەزارەتی کشتوکاڵ و سەرچاوەکانی ئاو.