Alternate Text

زۆرترین بینراو

Alternate Text

لەمەراسیمی یادی دامەزراندنی سوپای عێراق ئاماژە بە رۆڵی پێشمەرگە نەکرا

کوردستان

پێش 2 هەفتە

Alternate Text

ئەندامێکی لیژنەی ئاسایش و بەرگری لە پەرلەمانی عێراق رایگەیاند، سەرباری رۆڵ و قوربانییەکانی پێشمەرگە لە دامەزراندنی سوپا و جەنگ لە دژی تیرۆر، ئەمڕۆ لە مەراسیمی دامەزراندنی سوپای عێراق هیچ ئاماژەیەک بە رۆڵی هێزی پێشمەرگە نەکرا.
ئەمڕۆ چوارشەممە، ٦ی کانوونی دووەم، ناسڕ هەرکی، ئەندامی لیژنەی ئاسایش و بەرگری لە پەرلەمانی عێراق رایگەیاند، هەرچەندە کورد رۆڵێکی باڵای هەبوو لە دامەزراندنی سوپای نوێ عێراق و پارێزگاریکردن لە بەشێکی زۆری خاکی ئەو وڵاتە، بەڵام هەندێک لایەنی شۆڤێنی لە عێراق رۆڵی پێشمەرگەیان لەبەرچاو نییە.
ناوبراو راشیگەیاند، سەرباری ئەوەی هێزی پێشمەرگە بەشێکە لە سیستەمی بەرگری لە عێراق، بەڵام لە پرۆژەی بودجەی ٢٠٢١ هیچ بڕێک بۆ هێزی پێشمەرگە دیارینەکراوە، ئەمەش لەکاتێکدایە زیاتر لە نۆ ترلیۆن دینار بۆ سوپا و زیاتر لە سێ ترلیۆنیش بۆ حەشدی شەعبی دیاریکراوە.
ئاماژەی بەوەشکرد، لە ئێستادا رێژەی کورد لە نێو سوپای عێراقدا کەمترە لە ٢٪.

 

Copyright 2019 BMC TV. All right reserved

Designed and Developed by AVESTA GROUP