به‌رپرسێكی وه‌زاره‌تی پێشمه‌رگه به BMC ڕاگه‌یاندن، هه‌فته‌ی داهاتوو وه‌زاره‌تی پێشمه‌رگه و وه‌زاره‌تی به‌رگری عێراق له‌باره‌ی چالاكی هاوبه‌ش له‌دژی چه‌كدارانی داعش له‌ناوچه‌كه كۆده‌بنه‌وه.
لیوا قاره‌مان كه‌مال، جێگری سه‌رۆكی ئه‌ركانی وه‌زاره‌تی پێشمه‌رگه له لێدوانێكیدا بۆ BMC ڕایگەیاند، وابڕیاره هه‌فته‌ی داهاتوو وه‌زاره‌تی پێشمه‌رگه و وه‌زاره‌تی به‌رگری عێراق كۆببنه‌وه و دروستكردنی هه‌ماهه‌نگی هاوبه‌ش له دژی چه‌كدارانی داعش له‌نێوان هه‌ردوو لادا تاوتوێبكرێت.
به‌رپرسه‌كه‌ی وه‌زاره‌تی پێشمه‌رگه باسی له‌وه‌ش كرد، به‌درێژایی سنووره‌كانمان له‌گه‌ڵ هێزه عێراقیه‌كان، چه‌كدارانی داعش سوود له بۆشایی ئه‌منی وه‌رده‌گرن و ژماره‌یان زیاد ده‌كات بۆیه پێویستمان به هه‌ماهه‌نگی هه‌دوولا هه‌یه.
هاوكات لیوا قاره‌مان جه‌ختی له‌وه‌كرده‌وه، تائێستا هیچ ئامارێكی ته‌واویان له‌به‌رده‌ست نیه بۆ زانینی ژماره‌ی چه‌كدارانی داعش له ناوچه‌كه.