بەڕێوەبەرایەتی هاتوچۆی سلێمانی بڵاویکردەوە، بڕی ٤٠ هەزار دیناریان بۆ چەند سەرپێچییەکی شۆفێران دیاریکردووە.
ئەمڕۆی دووشەممە ١١ی کانوونی دووەم، بەڕێوبەرایەتی هاتوچۆی سلێمانی بڵاویکردەوە، بڕی ٤٠ هەزار دیناریان وەک سزا بۆ ئەو شۆفێرانە دیاریکردووە کە (دانەپۆشینی بار بە شێوەیەکی باش، بەکارهێنانی مۆبایل لەکاتی شۆفێری، بوونی تابلۆی بیانی لەژێر تابلۆی ئۆتۆمبێلدا،هەڵنەگرتنی سێگۆشە و ئاگر کوژێنەرەوە).
ئەمە لە کاتێکدایە لەماوەی رابردوودا رووداوەکانی هاتوچۆ کە بەشێکیان بەهۆی پابەندنەبوونی شۆفێرانەوەیە بە رێنماییەکان زیادیانکردووە.