ئەمرۆ، جۆ بایدن، ویلیام بێرنزی وەکو بەڕێوەبەری ئاژانسی CIA دەستیناشانکرد،
لە میانەی پڕکردنەوەی پۆستەکانی کابینیەکەی، جۆ بایدن، سەرۆکی داهاتووی ئەمریکا کە بڕیارە دوای نۆ رۆژی دیکە سوێندی یاسایی بخوات و لە پۆستی سەرۆکی ئەمریکا دەستبەکاربێت، ویلیام بێرنزی وەکو بەڕێوەبەری ئاژانسی CIA دەستنیشانکرد.
بایدن لە بارەی بێرنزەوە وتی کە کەسێکی بە ئەزموون و دیپلۆماتکارێکی لێهاتووە، هەروەها وتیشی کە بێرنز توانای پاراستنی ئاسایشی ئەمریکای هەیە و دەتوانێت خەڵکەکەی لە هەموو مەترسیەکان بپارێزێت.
ویلیام بێرنز پێشتر لە پۆستی باڵیۆزی ئەمریکا بوو لە روسیا و چەند ساڵێک لەو پۆستەدابوو.