Alternate Text

زۆرترین بینراو

Alternate Text

پارێزگاری هەولێر لەبارەی روودای تەقەکردنەکەی سەر سەروپێخانەکە هاتە دەنگ

کوردستان

15/01/2021

Alternate Text

پاش رووداوی تەقەکردنەکەی سەر "سەروپێخانەکە"ی هەولێر، هەریەکە لە پارێزگار و قائیمقامی هەولێر سەردانی چێشتخانەکەیان کرد و رایانگەیاند، ڕێگە نادەین ئەو تۆمەتبارانە لەدەست یاسا ڕزگاریان بێت.
ئەمڕۆ هەینی، ١٥ی کانوونی دووەم، هێمن قادر، پارێزگاری هەولێر بە وەکالەت سەردانی ئەو سەروپێخانەیەی کرد کە هێرشی چەکداری کرایەسەر و رایگەیاند، تاوانباران و دەرچووان لەیاسا بەزووترین کات دەستگیر دەکرێن و ڕێکاری یاساییان بەرامبەر دەگیرێتەبەر.
ناوبراو راشیگەیاند،" ڕێگە نادەین ئەو تۆمەتبارانە لەدەست یاسا ڕزگاریان بێت، کە بەم شێوەیە هەڵبکوتنە سەر ماڵ و موڵکی خەڵک و ئارامی و ئاسایشی شار بشوێنن و دەستدرێژی بکەنە سەر کاسبکاران.
ئاماژەی بەوەشکرد، هێزە ئەمنییەکان دەستکراو دەبن لە رێکارە یاساییەکان و دەستگیرکردنی تاوانباران لەزووترين كاتدا.

شایەنی باسە، بەرەبەیانی ئەمڕۆ چەند کەسێک بە مەبەستی خواردنی سەروپێ چوونە یەكێک لە چێشتخانەکانی هەولێر و بەهۆی نەمانی سەروپێوە، بە چەک دەستڕێژییانکردە سەر چێشتخانەکە و هەڵهاتن.

Copyright 2019 BMC TV. All right reserved

Designed and Developed by AVESTA GROUP