قائیمقامیەتی چەمچەماڵ رایگەیاند، ئەو جوتیارانەی لەبەرواری ٢٢، ٢٣، ٢٤ی حوزەیرانی ٢٠٢٠ گەنمیان رادەستی سایلۆی چەمچەماڵ کردووە، رۆژی
یەکشەممە چەکی پارەی گەنمەکانیان بەسەردا دابەشدەکرێت.
ئەمڕۆ شەممە، ١٦ی کانوونی
دووەم، قائیمقامیەتی چەمچەماڵ جوتیارانی قەزاکە ئاگادار دەکاتەوە کە ئەو جوتیارانەی
لە بەرواری ٢٢، ٢٣، ٢٤ی حوزەیرانی ٢٠٢٠ گەنمیان رادەستی سایلۆی چەمچەماڵ کردووە، ڕۆژی
یەکشەممە بەرواری ١٧ی کانوونی دووەمی ٢٠٢١، کاتژمێر١٠ی بەیانی، بەمەبەستی وەرگرتنی چەکی پارەی
گەنم سەردانی سایلۆی چەمچەماڵ بکەن.
ئاماژە بەوەشکراوە، پارەی ژمارە پسوڵەی ۲۷۷ تا ژمارە ۳٨۹ی جوتیاران سەرف دەکرێت و پاش وەرگرتنی چەکە بانکییەکانیان، پارەکە لەبانکی چەمچەماڵ
وەردەگرن .
.