میوه‌ی مانگۆ چه‌ندین سوودی ته‌ندروستی هه‌یه‌و ده‌بێته‌ هۆی دابه‌زاندنی ڕێژه‌ی شه‌كر له‌ خوێندا.

پێگه‌یه‌كی جیهانی چه‌ند توێژینه‌وه‌یه‌كی بڵاوكردووه‌ته‌وه‌، كه‌ ده‌ریده‌خه‌ن میوه‌ی مانگۆ مادده‌ی بولیفینولی تێدایه‌ كه‌ هه‌ڵگری تایبه‌تمه‌ندی دژه‌ ئۆكساید و هه‌وكردنه‌.
هه‌ر له‌و باره‌یه‌وه‌ توێژه‌ره‌كان باسیان له‌وه‌كردووه‌، میوه‌ی مانگۆ چه‌ندین سه‌ر چاوه‌ی ئاوێته‌یی وزه‌ی وه‌ك كاروتینات و توكوفیرول و ترشی ئه‌سكوربیك و ئاوێته‌كانی مانجیفرین و چه‌ندین مادده‌ی سوود به‌خشی دیكه‌ی تێدایه‌ كه‌ یارمه‌تیده‌رێكی باشن بۆ چاره‌سه‌ری جۆری دووه‌می نه‌خۆشی شه‌كره‌ به‌تایبه‌ت گه‌ر به‌وشكی و بەڕیژەیەکی کەمی ڕۆژانەوە و بەبێ زیدەڕەوی به‌كاربهێندرێت.