کونسوڵی گشتی ئێران لە هەولێر رایگەیاند، ئێران
پەیوەندییەکی دێرینی لەگەڵ سەرکردەکانی کورد هەیە و دەرهێنانی فیلمی تەوەکول
بۆچوونی فەرمی ئێران نییە.
نەسڕوڵا ڕەشنوودی، کونسوڵی ئێران لە هەولێر رایگەیاند،
هەڵوێستی فەرمی ئێران لە رێگەی دامەزراوە فەرمییەکانی ئێرانەوە رادەگەیندرێن و ئەو
فیلمەی لە سۆشیاڵ میدیا بڵاوکراوەتەوە بەرپرسانی ئێران ئاگاداری نین و لێکۆڵینەوە
لە دەرهێنانی فیلمەکە دەکەین.
ناوبراو راشیگەیاند، رەنگە هەندێک لایەن هەبن هەوڵ بدەن
پەیوەندییەکانی نێوانمان تێک بدەن، بەڵام ئێمە رێگە نادەین ئەو کارە رووبدات و بەردەوام
پەیوەندییەکانمان لەگەڵ حکومەتی هەرێم لە بەرەوپێشچووندایە.
ئاماژەی بەوەشکرد، لە کاتی
نزیکبوونەوەی داعش لە شاری هەولێر لەسەر داوای مەسعود بارزانی ئێران هاوکاری
کوردستانی کرد، ئێستاش بە هەوڵی هێزەکانی پێشمەرگە و سوپای عێراق و حەشدی شەعبی داعش لە
ناوچەکە رۆڵێکی ئەوتۆیان نەماوە.