وتەبێژی فەرماندەیی هێزە چەکدارەکانی ئێران رایگەیاند، ئەگەر ئیسرائیل هەر هەڵەیەکیان بەرامبەر ئەنجامبدات، هەریەکە لە شارەکانی تەلئەبیب و حەیفا تەختی زەوی دەکەن.
ئەمڕۆ چوارشەممە، ٢٧ی کانوونی دووەم، لیوا ئەبو فەزل شکارچی، وتەبێژی فەرماندەیی هێزە چەکدارەکانی ئێران رایگەیاند،" هەڕەشەکانی ئیسرائیل تەنها جەنگی دەرونییە و ئەگەریش راستی بێت و ئیسرائیل هەر کردەوەیەکی "گێلانە" لە دژی دامەزراوە ئەتۆمییەکانمان ئەنجامبدات، تەلئەبیب خاپور دەکەین ".
ناوبراو راشیگەیاند،" سوپای ئیسرائیل لە حاڵەتێکی ترسناکیدایە و ئەوان لەوە لاوازترن کە هەڕەشەکانیان لەسەر ئەرزی واقیع جێبەجێ بکەن، هەڕەشەکانیشیان بۆ وێرانکردنی دامەزراوە ئەتۆمییەکانمان تەنها خەونێکن ".