وەزارەتی دارایی و ئابووری حکومەتی هەرێم بڕیاریدا بڕی
زیاتر لە ١٩ ملیار دینار بەمەبەستی دانەوی قەرزی کرێی خوێندنی کچ و کوڕی شەهید و
ئەنفالکراوان و زیندانیانی سیاسی سەرف بکرێت.
ئەمڕۆ سێشەممە، ٩ی شوباتی ٢٠٢١، وەزارەتی دارایی و ئابووری
حکومەتی هەرێم لە راگەیاندراوێکدا بڵاویکردووەتەوە:" وەزیری دارایی رەزامەندی لەبارەی خەرجكردنی بڕی ١٩ ملیار و ٦٨٦ ملیۆن و ٤٧٢ هەزار دینار بۆ دانەوەی قەرزی كرێی خوێندنی كوڕ و كچی شەهید
و ئەنفالكراوان و زیندانیانی سیاسی بە شێوەی نەقدی دەربڕی".
ئاماژە بەوەشکراوە:" ئەو خەرجكردنە ساڵەكانی (٢٠١٦-٢٠١٧)(٢٠١٧-٢٠١٨)(٢٠١٨-٢٠١٩) دەگرێتەوە و گوژمەی خەرجكراو لەسەر بودجەی بەڕێوبەرایەتییە گشتییەكانی سەر بە وەزارەتی شەهید و ئەنفالكراوان دەبێت، بەو مەرجەی كارنەكاتە سەر مووچەی فەرمانبەران".