بەرپرسانی بەریتانیا رەتیانکردەوە فرۆشتنی چەک بە سعودیە
رابگرن و دەڵێن" بەریتانییەکان خۆیان بڕیار لەسەر فرۆشتنی چەک دەدەن و ئەو پرسە
پەیوەندی بە وڵاتانی دیکەوە نییە".
جێمس کلیڤری، وەزیری دەرەوەی بەریتانیا
رایگەیاند:"پێداجوونەوەمان بەبڕیاری راگرتنی فرۆشتنی چەک بە سعودیە لەلایەن
ئەمریکاوە کردووە بۆ ئەوەی لە یەمەن بەکارنەهێندرێن و مۆڵەتی فرۆشتنی چەکی بەریتانیش بە گرنگییەوە دەرچووە بۆ ئەوەی دڵنیا ببین لەوەی هیچ جۆرە پێشێلکارییەک لە یاسای مرۆیی
روونەدات".
ئاماژەی بەوەشکرد:" ئەو بڕیارانەی
ئەمریکا سەبارەت بە فرۆشتنی چەک دەریدەکات تایبەتن بە خۆیانەوە و بەریتانیا بە جددی
بەرپرسیارییەتی فرۆشتنی چەک هەڵدەگرێت".
هاوکات، تۆبیاس ئێڵوود، سەرۆکی
لیژنەی بەرگری لە پارتی پارێزگارانی بەریتانیا داوایکرد وڵاتەکەی بەرپرسیارییەتی تەواوی نزیکترین هاوپەیمانی ئەمنی (ئەمریکا) لە ئەستۆ
بگرێت و کۆتایی بە هەناردەی ئەو چەکانە بهێندرێت کە دەبنە هۆی دروستبوونی جەنگ لەو
ناوچانەدا.
ناوبراو ئەوەشیخستەڕوو:"ئەمریکا لە راگرتنی فرۆشتنی چەک بەو وڵاتانە ئامانجێتی رێگە بۆ پێکهێنانی لێکتێگەیشتنی
ئاشتی لە یەمەن خۆش بکات".